Do Not Be A Loser

Do not be a quitter. Walang kwenta yung nahirapan lang nang konti, umaatras agad. Hindi pwedeng napaso ka, bigla mong iluluwa at ayaw mo na. Gaya halimbawa ng pag-aasawa. Pasensya ka, nag-asawa ka eh. Pero panindigan mo yan. Hindi atras ka na lang nang atras. But we must have wisdom from God para malaman kung kailan talaga wise and godly na umatras. Alangan namang mali na nga, tuloy ka pa rin nang tuloy. That is what we need – wisdom from the Holy Spirit – to know when to give up and when to pursue. When to push and when to pull. When to be still and know that our God is God. This is very crucial.

      And one other thing, do not envy those who succeed around you. For all you know, baka kaluluwa nila yung ibinayad nila sa success nila; hindi nakakainggit yun. “Naku, mabuti pa itong classmate ko nung high school, asenso na ngayon samantalang pare-pareho lang kami nun. Kasi naman, gumawa nang masama, naging drug lord at naging corrupt. Yumaman na sila, samantalang tayo ay mahirap pa rin.” Wala kayo sa lugar pag nainggit kayo dun. Hindi nyo kinaiinggitan ang kayamanan na ang ibinayad ay kaluluwa. Hindi nyo kinakainggitan ang tao na biglang sumikat at biglang nagkaroon ng material things dahil gumawa ng mali. Hindi dapat kinakainggitan kahit kalian.

      Ano ba naman yung asenso? People can buy food but they can never buy appetite. You can buy a good bed but you can never buy sleep. At iba yung tulog ng taong ang kanyang ginagawa ay ayon sa kalooban ng Diyos. Yun ang tunay na tagumpay. What the world may call an outright failure may actually be a very righteous person. Baguhin ang isip. Sapagkat ang lahat ay nagmumula at nagtatapos sa isip.

       Kung sino man sa atin ang nagkaroon na ng mga kabiguan noon at hanggang ngayon ay may inaalagaang sama ng loob, galit sa tao, sa mundo o sa Diyos, hindi aksidenteng binabasa ninyo ito ngayon. Kausapin natin ang Diyos. “Panginoon, meron po akong mga dapat patawarin. Meron akong dapat kalimutan na. Meron akong mga sugat na gusto ko sanang gumaling na at huwag na kong maapektuhan pa. Pag naaalala ko ang mga ito, nagagalit ako at nagkakasala ako. Pero ngayon, Panginoon, ipinaliwanag ninyong ito’y talikuran ko na. Kung may mga bahagi ng ating nakaraan ang nais nating isuko na sa Diyos, mga paninisi at mga pagsisisi, ito ang tamang oras sa paanan ng atin Panginoon. Hinihingi niya ang aing mga kabigatan upang mapalitan Niya ng pagpapala. Hindi kayo makakatanggap ng pagpapala sa Diyos kung ang kamay nyo ay nakahawak sa mga pangit na nakaraan. Bitawan natin ang mga ito. Ihingi ng tawad ang ating mga kakulangan ng pagpapatawad sa ating kapwa.

        Kung sino sa inyo ang nais manalangin na magkaroon ng bagong buhay, na limutin na ang mga sakit ng kalooban at ang mga hinanakit, ang mga nagnanais na humingi ng tawad at magpatawad, nakikinig ang Diyos.