Enjoy What You Have And Stop Complaining About What You Do Not Have

At ano naman ang meaningful? One is enjoying what we have rather than always wanting something else. Being rich is not measured by how much you have but by how much you enjoy what you have. Ang pagiging mayaman ay wala sa halaga ng iyong pag-aari. Kundi nasa pag-e-enhoy mo sa buhay. Kaya kahit hindi malaki ang pera mo kung enjoy na enjoy mo naman, mayaman ka. Kaysa dun sa ang laki-laki ng pera tapos hindi naman niya na e-enjoy.

Two, better what the eye sees than the roving of the appetite. Ibig sabihin lang, kung ano yung nandiyan, enjoyin mo. At huwag kang maghanap ng wala diyan. Sapagkat kung lagi kang naghahanap ng wala, lulungkot ka na lang nang lulungkot sa buhay. Kung yan na ang napangasawa mo, yan na yang nandiyan. Enjoyin mo na yan, wala ka nang choice. Hindi yung “Naku yung asawa ko, sana kasing bango ng asawa ni ganon, kamukha ni ganyan, kasing-sarap magluto ng asawa ni ganyan. “Sabi nga, better what the eye sees—yung nandiyan na – than the roving of the appetite. So, enjoy what you have. And stop complaining about what you do not have. So that at least nag-e-enjoy ka sa buhay.

Ecclesiastes 1:10-12 also say—Whatever exists has already been named and what man is, has been known; no man can contend with one who is stronger than he.

Anong ibig sabihin na naman nyan? Huwag ka nang makipag-contest sa Diyos. Kung ika’y ganyan na, eh di ganyan ka. Huwag kang magreklamo dahil ika’y pango. Huwag kang magreklamo dahil hindi ka kamukha ni Judy Ann. Huwag ka nang makipagtalo sa Diyos.

Arguing with God concerning who, what and how we are is meaningless. God is too powerful to argue with. And the more we talk with God on this issue, the less sense we make.

Kayod ka nang kayod para kanino?

Then he tried toil. “Magtrabaho tayo nang magtrabaho. Tanim tayo nang tanim. Gawa tayo nang gawa. But all of labor’s fruits, sabi niya, will be left behind to his successors, to his heirs. Sabi nya, “Ang lungkot!” “Gawa ako nang gawa, pundar ako nang pundar, ang yaman-yaman ko pero napapansin kong tumatanda na ako, mamamatay na ako, sinong magmamana nito? Anak ko? Alam ko ba kung anong uri ng taong mapapangasawa nito na magiging manugang ko? Na titira sa aking palasyo? Sa aking bahay? Nagtayo ako ng palaisdaan. Yung naglalakad pala diyang bigote mapapangasawa nitong anak ko? Magiging kanya pala ‘tong ginagawa kong ito? Bakit ko ‘to ginagawa? Sabi niya, “Inupud-upod ko ang buhay ko, nagpakandahirap-hirap ako, I denied myself any pleasures, I worked so hard. Para lang ipamana sa hindi ko kaanu-ano? At paano kung mamana yan ng asawa ko’t mamatay ako? At nag-asawa uli ang asawa ko? Sobra namang sinuwerte yung napangasawa niya. Nakuha na niya yung asawa ko, pati pa yung pinundar ko. At paano kung namatay yung asawa ko, eh di kanya na? Mag-aasawa siya ngayon ng iba, kanilang-kanila na lahat ng ipinundar ko. “Kaya sabi ni Solomon, “Kayong pundar nang pundar mag-isip-isip kayo, ha? Nalulugi kayo.”

Maraming ama ng tahanan, wala nang ginawa kundi magpayaman. Sa biglang tingin hindi naman masama that you are trying to bring the family up the economic ladder. Pero sa tagal mo sa trabaho, pag-uwi mo sa iyong bahay, wala na pala ang mga anak mo, naglakihan na ang mga bata, nag-asawa na. O iniwan ka na rin ng asawa mo. O kaya’y ang layu-layo na ng loob nila sa’yo. Nagsasama-sama nga kayo sa isang bahay pero ang lalayo ng loob. Bakit? Dahil naubos na ang panahon mo sa labas. Ano ba talaga mahalaga? Wala pa daw taong namamatay na nagsabing, “Sana dinamihan ko pa ang aking pagtatrabaho. Sana nag-stay pa ako longer sa office.” Ang pinagsisihan ng marami, “I should have spent more time with my children. I should have spent more time with my family.” Yan ang pinagsisihan ng lahat ng naghihingalo. Kaya huwag nyo nang abangan na maghingalo kayo. Magsisi ngayon pa lang! At magbagu-bago na nga mga pamamaran. Huwag tayong magpadala sa mga standards ng sanlibutan. You know yung mga standards ng sanlibutan? Get more, have more, have more! For what? We should know when to stop. Kaya sabi ni Solomon, great projects-meaningless! Possessions-meaningless. Bale wala. Pag dumami yung possession mo dumadami lang yung binabayaran mo para magbantay. Tapos pag nakatalikod ka kinukupit nila. Kaya habang ika’y naliligo at nagsu-swimming iniisip mo, kinukupitan kayo ako ngayon sa tindahan namin? Mahabag kayo sa inyong sarili. Sabi niya, ang buhay nyo ay may wakas. Kung gusto nyong mag-provide sa inyong sarili hanggang sa retirement and up to a point bigyan nyo ng kaunting pasimula ang inyong anak, yun na lang. Pero kung pati yung kaapu-apohan ninyo ay ipagpupungar nyo pa, kawawa naman kayo. Lugi kayo. Naliligid tayo ng maraming mga taong ganyan. Andaming pinundar, tapos nung namatay kung kani-kaninong abogado napunta yung mga pinundar nila. Hindi rin napunta sa kanila! Pinag-agawan lang ng kung sinu-sino.

Mag-ingat sa mahal na insurance. Kung minsan nagiging mitsa pa ng buhay nyo yan. Lalo kung pinundar nyo mahal na insurance. Napakalapit ng aksidente sa inyo. Tinutulak-tulak kayo ng mga kaibigan nyo’t mga asa-asawa sa may gilid-gilid ng bangin at nang mapadali ang koleksyon. Kaya mag-isip-isip kayo. Sabi niya, “Meaningless. Everything is meaningless.” And it doesn’t matter how excellently done, the work will be inherited by just any fool. Sabi niya, “Paano naman ako nakatiyak na yung magmamana nito ay magmamalasakit? Paano ako nakakatiyak na ang magmamana ng ipinundar ko ay marunong? O baka gamitin pa niya sa masama ito ipinundar ko. “So, anong idinagdag niya diyan? Kaya sabi niya, “Meaningless ang lahat ng ito.”

Don't Listen To Everything That Everyone Says

Listening to everything that everyone says is meaningless. Tandaan nyo yan. You should not listen to everything people say. Why? Because you will only hear people cursing you. Baka marinig nyo pati katulong nyo minumura kayo. Mga amo, ano bang mga iniisip ng secretary nyo tungkol sa inyo? Mga construction managers, anong iniisip ng mga laborers tungkol sa inyo? O mga amo sa bahay anong iniisip ng inyong mga katulong. Bihira naman siguro yung, “Wow, love ko yung amo ko. Ang bait ng amok o.” Kung mae-Xray nyong utak niyan, palalayasin nyo ngayon din. Kaya ang sabi ni Solomon huwag nyo na lang X-rayin. Kayo din naman marami ding iniisip laban sa kanya at sa iba pa eh. Ganyan lang talaga ang tao.

In other words, Solomon was saying there are people you should never listen to. May mga tao never kayo dapat makinig sa kanila dahil lulungkot lang kayo. There are things naman that you should not listen to or hear even from people that you listen to. Listening to what everyone says is useless. Mayron po tayong mga kilalang tao. Pag hahangos sa akin, “Naku mayron hong nagco-complain tungkol sa ating Bible study.” Ilan ba yung uma-attend sa Bible study? “Dalawampu.” “Eh, ilan yung nagco-complain?” “Isa ho.” Eh, hayaan mo na, charge it to statistics.” Alangan namang lahat ng twenty naging happy, sobrang perfect naman. Laging may hindi happy diyan. Ngayon, kung may labing-siyam na nagrereklamo, makinig ka na. When people live together, some will smile and som will frown. But you need not mind them. Travel on as best you can, take them as you find them.

Kasi kung papakinggan nyo lahat ng tao para kayong hilong talilong kung saan kayo ipaling doon kayo haharap. Lalo sa leadership, not everyone will be happy. Iba-iba ang tao. Kung pinakinggan nyong lahat mababaliw kayo.

Learn What Matters To You As Early As Possible

Alin ba ang mahalaga sa inyo? Mahalaga ba sa inyo na pagka may mga lakaran ay nakakapag-swimming kayo? Kung hindi kayo marunong lumangoy, learn to do so as early as possible. Para humaba ang panahon, i-enjoy nyo yan. Gusto nyo palang pag may party ay nagbo-ballroom dancing kayo, eh di pag-aralan nyo. Kaysa habang buhay nakatingin na lang kayong pa-inggit-inggit doon sa mga nagpapaikot-ikot, nagpapagulong-gulong at nagpapatalon-talon. Learn it if you like it. Gusto mo palang mamisikleta pero habang buhay nakatitig ka na lang sa namimisikleta because you don’t know how to do it. Then learn it.

At this point in life, ano ang mahalaga sa inyo o gusto nyo pero hindi nyo alam? Alamin nyo. Mas maaga nyong ma-master yan, mas mahaba ang natitirang oras para nyo ma-enjoy. Skill ba yan? Language ba yan? Is it a piece of information? Is it a trade? Isang uri ba yan ng paghahanapbuhay o nagagawa ng kamay? Alamin mo. We cannot forever say, “Gusto ko sana pero hindi ko alam.” Agahan ang pag-alam.

Proverbs 24:5

Wisdom brings strength and knowledge gives power.

Sa palagay nyo, ano ang dapat nyong malaman at pag nalaman nyo mas lumalakas kayo bilang tao? Yung mas lumalakas ang bargaining power nyo with the world? Know it. Another thing we have to learn is to be healthy as much as possible. Bakit ang sabi nila kapag nagkaka-edad ka na ay dumadami na ang sakit? Eh ang dami na kasing ginawa sa iyong katawan. Ang dami mo pang inipon na atraso. Mga pawis na hindi mo na naipawis, exercise na hindi mo na-exercise. Mga bagay na hindi mo dapat kinain na kinain mo, siyempre darating ang panahong mahahabol ka rin nyan. Dumadami, nagkakasabay-sabay. Kaya pagdating ng araw, doon ka ngayon magbabawas ng alat, ng taba at ng kung anu-ano. Agahan na ang pagbabawas nun kasi naiipon. Habang bat aka pa, kaunting disiplina na sa katawan. Huwag mong sabihing “Bata naman ako” kasi naiipon at naiiwan sa katawan mo yan. Hindi lang naman mahalagang tumanda at humaba ang buhay. Ang maganda ay mahaba ang buhay pero malusog. Mas nae-enjoy mo yun.

1 Corinthians 6:19

You surely know that your body is a temple where the Holy Spirit lives. The Spirit is in you and is a gift from God.

Isipin nyo na yung Espiritu ng Diyos na walang katapusan at napakamakapangyarihan ay nakatira sa ating katawan. At kapag bumigay na yung katawan natin ay kasunod na ring bumigay ang brain natin kasi yun ang tinitirhan nito. Many great and powerful  people get sick at certain times in their lives. Natatalo sila kapag may giyera. May napakagaling na heneral na ang daming napalunan pero dahil lang sa kagat ng lamok ay nagkaroon ng malaria. Kung kalian kailangan siya ay sinumpong at inapoy ng lagnat saka doon lumusob ang kalaban kaya natalo sila. Kasi kahit gaano kagaling ang utak mo, nakatira pa rin yan sa katawan mo. Yung katawan mo naman kapag bumigay kasamang bibigay lahat. Kaya dapat inaalagaan natin ang ating katawan nang mas maaga.

The body is also the temple of the mind so it limits the mind kaya inaalagaan yan. The body becomes the tool of the mind so it can also become the prison of our whole life. Kaya dapat responsible ang young people sa kanilang kaligtasan. Huwag na kun saan-saan ibalibag ang katawan at ipaghampasan at dalhin. Kasi kapag nabagok ang ulo mo at na-paralyze ka, yung matandang nanay mo pa rin ang mag-aalaga sa iyo. Kapag nagkaroon ka ng karamdaman ang gagastos ay ang mga mahal mo sa buhay. Kaya hindi ka lang namumuhay para sa sarili. You live responsibly. In adulthood, do not treat yourself as old. Do not think old and do not act old. Marami kasing humihina na bahagi ng katawan natin kasi hindi na nagagamit, hindi na napapraktis. Recently, nakakita ako sa internet ng 92 year old na lola na nagsa-salsa. Talagang nagpapagulong-gulong, ibinabalibag ng apo, kulang na lang lumipad. Ang lakas ng katawan at 92 years old! Naisip ko, wow! Marami sigurong ginawang tama itong lola sa buhay nya. So, huwag na lang kayong laging nakaplanela at nakabalabal. Pwede naman ninyong pasiglahin ang inyong katawan para marami pa tayong makita, malasap, magawa, ma-produce. So, watch what you eat. Ibig sabihin hindi komo masarap ay iyon ang mabuti sa iyo. Kaunting control sa sarili.

HAVE FUN WHENEVER POSSIBLE (GODLY WAY)

Ecclesiastes 11:9-10

Be cheerful and enjoy life while you are young! Do what you want and find pleasure in what you see. But don’t  forget that God will judge you for everything you do. Rid yourself of all worry and pain because the wonderful moments of youth quickly disappear.

Napakahalaga ng mensaheng ito ni Solomon, the wisest man who ever lived. Sabi nya, habang bata ka pa, maging masayahin ka. Mag-enjoy ka at gawin mo ang gusto at kaya mong gawin. Huwag mo lang kakalimutan na answerable ka sa Diyos. In other words, huwag kang lalabis. Huwag kang gagawa ng bagay na ipagsisisi mo kapag humarap ka sa Diyos dahil hahaharap at haharap ka. Pero lahat ng pwedeng gawin na hindi ma-ooffend ang Diyos ay gawin mo. Yung hindi magbibigay ng panganib sa iyo at sa iyong kapwa, gawin mo. Nang sa gayon, huwag ka na muna masyadong mag-alala at mag-isip ng mga malulungkot na mga bagay kasi darating din yan sa iyo.

Sandali ka lang maging bata, so enjoyin mo ang iyong kabataan. Ang dapat sigurong sabihan nito yung mga magulang o mga lola’t lolo, hindi yung mga kabataan. We must allow children to be children. And we must allow young people to be young. Do not fast-forward their maturity. We all have a lot of time to be old. At kapag dumating na sa iyo yung old age wala ka nang balikan. Kaya dapat huwag sayangin ang pagiging bata. Kawawa naman yung bata na hindi naging bata sa dami ng naging responsibilidad sa buhay. Yung hindi na naka-attend ng anumang gathering o socialization kasi laging nag-aalaga ng maysakit na magulang o kapatid o naghahanapbuhay habang kung minsan yung tatay ay palasing-lasing. Yung mga anak na ang nagbuhat ng tungkulin ng mga magulang. Hindi na sila naging bata. Eh, ang problema kapat lagpas na ang kabataan mo hindi ka na magiging bata muli, ever. Kaya, isang malaking kalupitan ang nakawan natin ang mga kabataan ng kanilang pagiging bata. Siyempre hindi pa yan nag-iisip ng maraming bagay o kaya parang hindi seryoso. Sandaling-sandali lang yun eh. Tulad din ng ganda, sandaling-sandali lang ang kagandahan ng isang bata.

So samantalahin. Huwag natin silang pigilang magkaroon ng kasiyahan hangga’t hindi offensive sa Diyos. Siyempre may hangganan ang lahat ng bagay. Maraming panahon ng katahimikan na ang tao hindi mo man pigiling mag-ingay ay kusang tatahimik. Kasi maraming darating na dagok ng buhay. So, habang hindi dumarating yon o wala, bakit nyo naman dadagukan? Kailangan marunong tayong magrespeto sa taong sumasaya. Enjoy youth, enjoy young adulthood. Enjoy adulthood. In fact, enjoy every stage of life.

        Ecclesiastes 3:1-2,4

        Everything on earth has its own time and its own season. There is a time for laughing and dancing.

And if it is not your time, hayaan mo yung iba to enjoy their time. Kung sino ang nagsasaya, siya ang may karapatan. Yung ayaw magsaya, yun ang lumalayo. Pero huwag nyong pigilin yung nagsasaya. Hindi nyo alam baka bukas may malalaman siyang kahindik-hindik na bagay na kahit hindi nyo pigilin ay mawawala na yung saya niya. Hayaan nyo siyang magcharge ngayon para may baon siyang saya sa buhay. So, there is time for laughing and dancing. Maximize that time. Create and invent ways to be happy. Be youthful at heart and let the young be young.