Sa dami po ng mga horror stories sa pag-aasawa, natatakot na po yata akong lumagay sa gulo. Wala na ba talagang lalaking matino? Faithful? Matapat at mapagkakatiwalaan? Gusto ko pong magkaasawa pero ayaw ko pong masaktan?!

In love you take the thorns as well as the roses. Kung ayaw mo ng tinik, huwag kang pumitas ng rosas. Kung ayaw mong masaktan, eh di huwag kang umibig at mag-asawa. Talagang may risk. Pero ang tanong ay ito: Ano ba ang mas mabuti? Masarapan nang may kasamang sakit o hindi masaktan pero hindi rin masiyahan? Pwede ka namang magmahal at tumanggap ng posibilidad na masaktan. Ganun talaga ang buhay. Pero para may proteksyon ka sa pag-ibig, LAGING MAGTIRA SA SARILI. Huwag sobrang bigay na bigay. Mahalin mo rin ang sarili mo. At kung mangyaring pinahihirapan ka nya, take good care of yourself.