Trust, Don’t Worry

Huwag tayong sobrang mag-alala. Nade-depress tayo dahil sino-solve natin yung problema na hindi pa dumarating. Pagka nagkasakit ang nanay ko, paano ko siya ipapagamot? Saan ako kukuha ng gagastahin ko?

          Matthew 6:34 Therefore do not worry about tomorrow, for tomorrow will worry about itself. Each day has enough trouble of its own.”

Huwag mo nang alalahanin yung bukas. Yung bukas nandoon  din ang Diyos at yung pangangailangan ng bukas may para bukas. Yung supply mo ngayon pang-ngayon lang. Pag pinaghati mo yang pang-ngayon at bukas, kapos ka ngayon at kapos ka uli bukas, kaya nga sabi, “Give us this day our daily bread.” Huwag mong alalahanin yung malayo dahil nandoon din ang Diyos. Pagdating noon at saka mo harapin. In other words, cross the bridge when you get there. So you won’t have to be depressed.

           Proverbs 30:8,9…give me neither poverty nor riches, but give me only my daily bread. Otherwise, I may have too much and disown you and say, ‘Who is the Lord?’ Or I may become poor and steal and so dishonor the name of my God.

Sabi nitong karunungan na ito, “Huwag nyo na po akong bigyan ng sobrang kayamanan pero huwag nyo na po akong sobrang pahirapin. Yun lang pong tama. Kasi pag sobra-sobra baka naman ako yumabang at hindi na ako magdasal, hindi na ako mangailangan. At kung kulang-kulang naman baka naman ako magnakaw. So yun lang pong tama. Tama na yun, yun lang ang kaya kong dalhin.” May mga tao na kayang magdala ng kahirapan pero hindi kayang magdala ng kayamanan. Mayroon namang mga tao na kayang magdala na hindi sila napapansin pero oras na naging sikat doon sila nasisira. Hindi nila kayang dalhin. Kaya nilang dalhin yung mababang posisyon. Bigyan mo ng mataas na posisyon, they destroy themselves and others. Kaya lumagay lang tayo kung saan tayo tama para hindi tayo ma-stress. And take things one at a time. Live one day at a time. Huwag ninyong masyadong guluhin ang inyong isip sa malayo pang mga araw. Live the day, seize the moment, celebrate life. Tomorrow will have its own blessings, tomorrow will have its own graces.

               Lamentations 3:22,23 Because of the Lord’s great love we are not consumed, for his compassions never fail. They are new every morning; great is your faithfulness.

Hindi raw nauubusan ang kabaitan ng Diyos at ang kanyang pagbibigay sa atin, sariwa araw-araw. Sasabihin ninyo, “Ito lang ang problema ko sa araw na ito. A, kaya ko ito. By God’s help, kaya ko ito.” Nahihirapan tayo pag pinagsasabay-sabay natin pati problemang malayo pa. Kaya tayo nahihirapan. Nade-depress tuloy tayo.