Ano ang ibig sabihin ng pagsa-sign of the cross ang Catholics? Bakit hindi ito ginagawa ng mga believers

Tradition lang yung krus na symbol ni Christ pero hindi Niya in-endorse kahit kailan sa buhay Niya. We don’t want to make war with people who would like to use it. But we ourselves find no need to have a symbol because as John 4:24 says God is spirit and in truth. Ang totoo, technically, wala akong maisip na masama sa sign of the cross. Kung magpi-pray  ka, In the name of the Father and of the Son and of the Holy Spirit, ano ba naman ang problema doon? Wala! Basta wala lang kasunod na “Hail Mary.” Because we’re really praying in the name of the Father, of the Son and of the Spirit. Kung minsan, when I’m with many Catholic people, I open a prayer this way at hindi naman ako nako-compromise. It even accommodates them sa opening prayer pa lang para hindi difference, kundi yung commonality ang makita. And I am not offended by that.

Katulad din yan ng—bakit hinid tayo gumamit ng kampana? Actually, maganda nga yun, eh. Pagkalembang ng kampana, hudyat na yun na late na ang mga tao. Kaya siguro nali-late ang maraming Kristiyano. Hindi naman prohibited sa Bible ang kampana. Kaya nga lang ang ating mga naunang ninuno sa pannampalataya, pati yun inalis nila, dahil gusto nilang maging clear yung difference. Yung cross, sobra naman na naga-glamorize. It is not the cross that is important but what was accomplished by Jesus on the cross. Kaya hindi natin ini-emphasize yung cross kasi nagmumukha na yun na mismo ang end by itself. Samantalang napako lang naman doon si Hesus. Ang mahalaga ay yung ginawa ni Hesus at hindi yung cross. Paano kung si Hesus ay binaril by firing squad. Pag magdarasal kayo, sign of the rifle ba? Paano kaya yun? Pagkatapos yung mga simbahan natin, ang nasa bubong ripple? At pag may Santacruzan, ang dala ng Reyna Elena, baril? Kung ang Panginoon ay pinatay sa silya elektrika, anong pendant nyo, silya? At sa mga Bible nyo, ano ang naka-drawing, silya? Kung si Lord nilason sa lethal injection, ano ang mga kuwintas natin, heringgilya? I will not fault Catholics for making the sign of the cross. For me, it’s not a big deal. Kaya lang, kung minsan hindi natin ginagawa because we just want to be distinct. Ayaw natin mapagkamalang pareho lang kaya ayaw nating gawin. Pero kung gusto nyong gawin I will not find any fault, huwag lang kayong magbigay ng superstitious powers to the cross. Na kapag may aswang, papakitaan nyo ng cross, tatakbo ang aswang. Hindi yun totoo. Si satanas nga umaakyat sa langit at humaharap sa Diyos, bakit tatakbo pag nakakita ng krus? Eh, ang Diyos mismo hinaharap. Kaya dapat walang superstition.

Gusto nyong matakot sa inyo ang demonyo? Natatakot ang demonyo sa espiritu ng Kristiyanong may takot sa Diyos. Pag nabubuhay kayo na may takot sa Diyos at sumusunod sa Diyos, ayaw sa inyo ng demonyo, maa-allergic siya sa inyo. This can protect you more than any cross you can ever put in you life, in your church or anywhere. Ngayon, okay ba, kung may krus daw sa pulpit ng church? Hindi naman masama, huwag nyo lang luhuran.